Pre-Cabrian Period

0 Reaction(s)
Mula work umuwi muna para kunin ang bagahe para sa Cabra Island adventure. Tanghali na ako nang umalis. Sobra ang init. Pawisan na naman ako. Kikitain ko sa Jay at dun matutulog sa kanila sa Taguig para diretso na kami papuntang pier bukas ng umaga.

Kinita namin ni Jay si Kuya Leon (dala kanyang car) sa may Glorietta. Kumain at bumili si Jay ng damit at kakailangin. Nakipagkita kay Christian sa Mall of Asia bandang hapon. Bumili ulit ng mga abubot gaya ng sunblock etc. Dumaan din sa Baclaran, nagsimba. Namili ng bag na at ilang damit. Nakatawad pa ng todo si Christian kay Aling Arlene sa 2 travel bag.

Dapit hapon na nang maghiwalay kaming apat. Bumaba na kami sa EDSA ni Jay at sumakay papuntang Taguig. Puro pedicab ang nasa area nila Jay. Nagbabaya ang pagbagsak ng ulan at makaraan ang ilang minuto - bumuhos na rin siya. Tumagal ng ilang oras. Nang tumila dumaan muna sa SM Bicutan. Sale ng araw na iyon kaya madaming tao.

Ang daming binili namin ulit para naman sa Ate ni Jay. Sumakit ang paa ko kakalakad. Mga past 10pm na nun nang makauwi ako. Pahinga kaunti. Usap-usap. Maaga pa ang biyahe namin bukas para hindi ma traffic. Good night to all.

Blogger on Vacation

2 Reaction(s)

3 hours for 3 days

2 Reaction(s)
Ilang araw na rin akong kulang sa tulog. Hindi ko alam bakit ganun ang setup ng body clock ko ngayon. Simula pa ito ng Martes at hanggang ngayons Huwebes.

Sobrang init ng panahon na hindi ka na nakakatulog. Kahit pa itutok mo ang electric fan sa iyo eh mainit rin ang buga nito sa iyo kaya pagpapawisan ka rin.

Sobrang ingay sa bahay. Alam naman nilang natutulog ako. Todo todo ng volume kung manood ng noontime show. Tapos tatabi pa sa akin kaya nagigising ako. Ilang beses ko nang sinasabihan sila pero ang tigas ng ulo.

Kaya pagdating sa office, ayan - nasaniban na ako ng esfiritu ng antok. Bigla nalang akong tatahimik at hindi ko namamalayan naka-idlip na ako ng ilang segundo pero nagigising pa rin ako. Tapos yung pag headbang na parang rakista, bigla nalang mag jerk sa keyboard kaya napapansin.

Di bale, bukas naman ng umaga ang simula ng aking mahabang bakasyon. Woot! Enjoy ko nalang at makapag unwind sa isla nina pareng Jay kasama ang ibang tropa. Excited na ako, iyon nga lang medyo makulimlim nitong nagdaang mga araw. Sana lang hindi sumabay ang ulan sa lakad namin.

He says

0 Reaction(s)
"Sa seminaryo ko unang nalaman ang kahibangan ng pag-iwan sa mga bagay na itinuturing kong mahalaga upang magbigay daan sa pagtanggap ng iilang bagay na mas mahalaga. Ito rin ang aral ng mga manlalakbay, hindi mo dapat dalhin ang laman ng buong bahay sa daan. Ito din ang natutunan ko sa mga mga dormistang nakilala ko sa Espanya.

Dahil sa daan natin makikita ang mga kailangan natin at sa daan din iiwan ang mga ginamit. Pagkat lahat ay uuwi at uuwi ring walang pasalubong na peanut brittle o walis tambo maliban sa mayamang karanasan at aral. Ang oras ay nauubos pero katulad ng system loss shit ng meralco, binabayaran mo pa din ito. Kaya talo ang hindi matututo."
-The Unperfect Oblation, Elias' Cacoethes scribendi

04.28 Wallpost

0 Reaction(s)
Kagabi sobrang busy ang team para sa preparation ng mga applicants naming officemate para sa urgent hiring ng isang function na under sa department namin. Todo asikaso supervisor namin para magkaroon ng idea sila tungkol sa kung ano ang typical na ginagawa doon, culture at mga expectations na rin.

Nagkaroon ng kaunting participation sa urgent project na ito. Kasama sa mock interview. Pinakinggan ang mga pointers at nagbigay na rin nga mga set of questions. Pati mga feedbacks after ng interview. Then nagbigay rin ng endorsements sa applicants. Super busy at dami ng meeting na hindi na nakapag-process sa new function.

Kaya resulta super pagod at antok. Lalo na nung pag-uwi, hindi ko namalayan nakatulog na pala ako at labas ng kaunti ang ulo ko sa bintana ng bus. Maski sa jeep headbang rin. Paguwi naman sa bahay. Hindi rin nakatulog agad. Kumain pa kasi nang kaunti. Nakatulog. Tapos naalimpungatan sa brownout na hindi ko alam kung may kuryente pa sa amin.

Sobra ang init, grabe. Parang nasa pugon ka talaga. Kaya hindi ako nakatiis at naligo ako at pumasok na nang maaga at dito nalang sa office magpalamig. Around 6.30pm nandito na ako sa office. Kain nang kaunti. Check ng mail. Update ng leaves since May 3 eh holiday (yay!) kaya maliligtas na naman ang isang araw na vacation leave ko.

Kawawa naman si AMD at naiwang mag-isa sa kanila. Hindi ko naman mapuntahan dahil may work din ako. Pero kaya naman niya ang sarili niya at andun naman ang relatives na kapitbahay lang niya. Miss na po kita. Tagal pa bago tayo magkita ulit. Happy monthsary po. 5254!

Teh First

2 Reaction(s)

Esfiritu ng Antok

2 Reaction(s)
Good luck nalang sa akin kung aantukin ako mamaya sa work. Naalimpungatan ako kaninang tanghali at hindi na ako nakatulog after nun. Baka mamaya umiikot na naman ang ulo at katawan ko nang hindi ko nalalaman. Kagabi ganun din ang pero headbang nang kaunti. Naku naku ayoko maging trend ito.

He Says

0 Reaction(s)
"Thank you for the past four years. You, of all the things, know my innermost dreams and fondest memories. And alam kong alam mo rin na I hate goodbyes because I'm not good at them."

-Goodbye, Hello, Rudolf's Zweihandler

04.26 Wallpost

2 Reaction(s)
Usual weekend. Finally after days na hiatus sa Facebook, nakaupdate rin ako last Saturday. Wala namang bago. Ganun pa rin. Hindi naman ako na-miss ng FB. Hindi ko rin siya na-miss. Natiis ko siya na hindi buksan. Magagawa ko ulit iyon pag naumay na naman ako. Nakatulog ako maghapon kaya gabi na rin ako nakapag-net. Maaga rin akong nakatulog after manood ng Bottomline ni Boy Abunda.

Sunday is WoW day sa shop ni Angelo. Grabe na-miss ko rin siya. Halfway na ako sa capped level kaya excited na ako pumutok ng lv.50+ ang character ko. Though hindi pa siya mayabang sa gamit puro greens at ilang blues palang. Updated naman siya sa talents at skills, kasi iyon lang ang panabla ko sa hindi gaano astig na gamit. Saka nag-eenjoy ako sa quest, salamat na lang sa guide ni Jamie sa WoW-Pro na matagal na naming ginagamit since GamePal days (miss you guys!). Excited na ako sa Storm Crow form niya. Too bad sa Outland lang siya pwedeng magamit.

Ayun tuloy pa rin ang walang kamatayang GM (group messages) ng TropaText composed of Mami Yanah, MP, Jay, Blast at ako. Hehe! Pagkabukas mo ng phone mo, baha agad ng messages mula sa kanila. Umaabot pa minsan ng 125 messages at dumadagdag pa. Masisira ang ulo ko kaka-delete minsan ng messages.

M04W04

0 Reaction(s)
Sagada/Baguio adventure ang week na ito. Though sandali lang at medyo nabitin. Enjoy naman at satisfied. Planong bumalik para makumpleto ang circuit at may certificate na rin kami. Sana nga makahagilap ng sampung tao na sasama para mas matipid. Pinagpipilian pa kung anung buwan o susunod na taon na lang.

After ng bakasyon. Back to work, naghabol sa training para sa new function. Buti nalang at kaunti palang ang updates at kahit papano nakuha ko rin. Pero syempre paturo pa rin sa mga kasabayan. Good luck nalang sa new function na ito ng team namin. Gawin nalang ang best para masaayos ang mga makakasalubong na challenge at hanapan ng solusyon.

Next week monthsary na po namin. Syempre masaya po ako.

Hanggang sa muli.

Acteamvity

0 Reaction(s)
Cancelled my VL for Thursday. Decided na pumasok na lang. Thursday morning ako nakauwi mula sa bakasyon sa Baguio/Sagada. Nakatulog rin after. Nanibago lang kaunti sa bahay lalo na sa klima, balik sa initan na naman. Maagang pumasok ulit as usual. Habang nasa daan binabasa ang mga tambak na messages mula sa mga tropatext patrol.

Sensya na guys at walang pasalubong, babawi nalang ako. Hehe! Super bigat kasi ng bag at baka hindi na ako makaalis niyan pag marami akong bitbit. Back to normal ulit sa pag process. Kelangan makahabol sa training days na hindi ko na-attend. Mukhang madami-dami ang updates na kailangan kong pag-aralan.

Then nagkaroon ng exam for our iniatitive program sa department ngayon. Parang pre-assessment sa aming skills. Kakatuwa kasi parang classroom ulit siya at naging teacher namin ang sup namin. Then after that ang check ng mga papers. Maraming natutunan. Then nagkaroon ng mini-meeting about company policy etc.

After that, hinati ang team into two. Team 2 ako at Juicilicous kami while sexylicious ang kabila. Movie title ang topic. Kakatuwa kasi first time ko lang ginawa ito. Medyo nakakahiya pero Ok lang dahil kami-kami lang naman ang andun. Kulit kulit ng mga kasama ko sa team. Nag-enjoy ako sa company nila at ayun nanalo nga kami. Yay! Sana nga maulit ang ganung activities. Para magkaroon pa ng bonding ang team.

Sagada Adventure (Day 5)

0 Reaction(s)
Episcopal Church of St. Mary the Virgin (Sagada Church)

a native house

Bokong Falls (Little Falls)

the water was twice the size of the bamboo pole im holding at

teh pioneer of weaving products at Sagada

viewpoint at Echo Valley with Marco

the Hanging Coffins (Kabayan mummies) at Echo Valley

and finally, the journey back at Baguio (1.30pm trip)

Sagada Adventure (Day 4)

2 Reaction(s)
5.30am trip, sobrang kapal ng fog sa daanan

stopover after 2 hrs, with Mami Yanah

Mountain province community (viewpoint)

yes! finally after 6 hour trip

one of the few hanging coffins found at Sagada

another burial area, this time on the ground

message to the spelunkers

entrance to Sumaging Cave

the adventure starts

the cool and pristine water

one of the cave's scenic wonders

danger! deep water beneath

teh three who conquered Sumaging Cave

rice terraces near the cave

Teh City of Pines (Day 3)

2 Reaction(s)
Supposedly aakyat na sana kami sa Sagada ngayon kaya lang nagkaroon ng ilang issue. Kaya para hindi masayang ang oras. Napagpasyahan naming dumaan sa Strawberry Farm sa La Trinidad, Benguet. Hindi, ang lawak ng taniman ng strawberry kasama na rin ng ibang gulay gaya ng lettuce. Gusto ko sana mamitas kaya lang masyadong mahal ang presyo ng basket na pwede ko naman mabili sa palengke sa mas mababang halaga. Dumaan rin kami sa Benguet State University, sobrang haba nito at ilang kilometro rin. Sumaglit rin kami sa Grotto na may 200+ na hakbang at nagpahinga at nagnilay sa taas.

Teh City of Pines (Day 2)

0 Reaction(s)
Nagising ng umaga. Eto nanibago na naman kasi hindi talaga ako sanay na mamalagi sa ibang bahay eh hotel pa kaya. Hindi nakatulog si Mami dahil sa lakas ng hilik ko. Pasensya naman. Hehe! Ang lamig lamig ng tubig. Kaya no choice at heater ang ginamit. Ok naman kahit papano ang natuluyan namin. Sapat lang para sa amin at mababait naman ang staff. Nakahanda ang mga pinggan, baso, hot water etc. Bumalik muna si Mami Yanah sa kanila para asikasuhin ang kanyang mga chikiting. Kami naman iniisip namin ang posibleng puntahan. Grabe ang lamig pag umaga, parang December sa amin. Matapos mag almusal nang kaunting, napagpasyahan na naming umalis ng hotel.

Una naming dinaanan ang lugar ang Mine's View Park. Parang tiangge sa Baguio dahil sa halo-halong tinitinda nila na magmula sa jams hanggang sa native bags. Pwede ka ring magpa-picture sa mga St. Bernard breed of dogs. Magsuot ng Igorot costume kasama na rin ang palaso atbp abubot.

Pagkatapos ay sa Baguio Botanical Garden naman kami nagpunta. Sari-saring halaman ang andun kasabay ng ibang miniature na tanawin na makikita sa ibang bansa gaya ng malaking Torii, Buddha sculpture sa daraanan mo. Meron ding mga katutubong bahay at mga imahe ng mga Igorot.

Pangatlo naming pinuntahan ang Philippine Military Academy, Kuta Del Pilar. Medyo strikto nga lang dahil na rin sa isa itong military installation at hindi lahat ng parte nito ay bukas sa publiko. Matapos magbigay ng ID, naglakad na kami papasok sa PMA. Namangha ako sa sobrang katahimikan ng lugar na ito kasama na rin ang mga punong nagtataasan. Dumaan kami sa Alumni Memorial katabi nito ang gallery ng mga sasakyan na ginamit noong nakaraang mga digmaan kasama na rito ang iba't-ibang tangke at machine guns. Naglakad pa kami nang kaunti pa hanggang sa makarating kami sa Aviary. Malapit nang gumabi kaya napagpasyahan na naming tapusin na ang paggala at umuwi na.

M04W03

0 Reaction(s)
Puro preparation ang week na ito. After nang masalimuot na desisyon kung mag-apply ba ako sa isang post na iyon. Finally natapos na iyon at masaya ako sa aking naging desisyon.

Nalalapit na rin ang pagpasok ng bagong project sa function namin. Since ilan sa amin ang tenured na sa job na ito kaya sa amin unang ipapahawak ang unang batch ng training.

Samantala naman. Naghahanda na rin sa nalalapit na Sagada Adventure. Woohoo! Excited na ako.

Teh City of Pines (Day 1)

0 Reaction(s)
Umalis sa office at around 7am. Meron hindi inaasahang pangyayari kaya hindi nakasama si Elias sa biyahe. Nauna na si MP umalis (5am schedule), pagdating ko sa terminal. Ang haba ng pila. Hindi ko inaasahan na ganito. First time ko pa kasi mag provincial bus kaya hindi ko alam na ganito pala. Pumila na rin at ininda ang init ng panahon. Akala ko may 9am na biyahe pang available, wala na rin at pang 10am ang natira. Bumili na rin ako ng ticket.

Medyo nagutom dahil almost an hour pa ang aantayin ko. Kumain sa isang fastfood bitbit ang super bigat na sportsbag. Text sina Yanah at MP tungkol sa nangyari, at nagtanong iba pang mga gagawin before and during the rides. Nakasakay na rin sa bus at 10am, seat #46, kala ko naman nasa 2-seat ako, iyon pala nasa pinakadulo at gitna pa. Kung mamalasin ka nga naman. Hehe! Hindi ko pa gusto ang mga katabi ko. Tapos alanganin pa ang pwesto ko. Nangawait talaga ako hindi pa nakakalayo ang bus sa EDSA.

Hindi ako sanay na nakakaidlip sa bus kaya eto pinanood ko nalang ang tanawin sa labas kahit may nakaharang. Dumaan ang ilang oras at stopover, bumaba na rin ang ibang pasahero kaya nakaluwag-luwag ako ng uupuan. Namangha ako sa kanayunan lalo na nang makapasok kami sa La Union tapos Benguet na. Paakyat na kami, yay! Sayang nga lang at medyo lowbat na ako kaya todo tipid sa pagte-text sa iba kong berks. Na habang nasa biyahe ako eh bumibili naman sila ng ticket papuntang Mindoro at ibinili na nila ako.

Gaya ng inaasahan, dumating ang bus nang bandang 4pm. Nag-text na ako kay Mami Yanah, sinabi niya na dun na ako bumaba sa hotel na tutuluyan namin pero nakalagpas na siya kaya naman sa terminal na niya ako sinundo. Nanibago lang ako dahil ang mga FX na akala ko eh Taxi pala dito. Kaunting pagbabago lang sa klima ang naramdaman ko, tama nga sila. Hindi na gaano kalamig ang Baguio, dahil na rin siguro sa dami ng tao, gusali at climate change na rin.

Tumuloy na kami at namalagi sa Blue Mountain Hotel na nasa Palispis Highway. Akala ko sa bahay ni Mami kami tutuloy pero nagkaroon ng aberya kaya naman dito na kami tumuloy. Umalis kami at pumunta sa "kabayanan" para kumain. Dinala kami ni Mami sa Good Taste resto kung saan balita na marami ang serving ng food nila. At hindi nga kami binigo at nagulat ako na sa halagang 150Php, eh mga 8 piraso ng buttered garlic chicken na specialty ng resto at marami rin ang fried race nila.

After kumain, dumaan sa Burnham Park, pero madilim na kaya hindi rin namin na-enjoy ang lugar. Kaya naman gumala lang kami at nilibot ang buong lugar. Nakakalito sa Baguio, bawat ruta ata sa Baguio eh may naka-assign na jeep. Umuwi na rin kami matapos ang kaunting pa-picture. Naligo. Nagpalit ng damit. Kaunting usap. Nood ng TV. And called it a day.

Blogger on Leave

2 Reaction(s)

Kudos to PeterPan

2 Reaction(s)
Congratulations kay PeterPan (aka Garry G.). Paano na ang dynamic duo ngayong paalis kna. My officemate and a friend has been promoted to the QA position and starting tomorrow he will be working on a dayshift. Matagal-tagal na rin kaming magkakilala nito mga tatlong na ata.

Nakasabay ko pa siya nung nag-aapply palang ako sa ICT Marketing Services (sa Marikina Riverbanks), siya ang una kong nakita sa room at tumabi agad ako sa kanya. Pareho kaming nakapasa sa exam at na-hire and mula nun naging magkaibigan na kami at magkasama tuwing breaks at uwian minsan. Then nagkaroon ng opportunity dito sa Chase Bank, pareho kaming nag-apply. Ako unang nakapasok then siya naman. Buti nalang at same function din kami nakapasok. Kaya sabay parin kami sa breaks at paguwi.

Ang paglalakad sa kahabaan ng Ayala Avenue, halo-halong usapan. Sabay din sa pag-uwi sa MRT. Hanggang sa lumipat na naman kami ng panibagong function at magkasama na naman kami. Tuwing gabi, ang galaan kasama si Ate Bebe sa Salcedo Village area. Then hanggang sa lumipat kami sa NetPlaza mula sa PhilamLife.

Parang kapatid na rin ang turing ko kay Garry, ilang taon na rin ang pinagsamahan namin. In times of high and low. Triumph and failures. Andito pa rin ang samahan namin. Kahit lumipat ka na ng ibang function, andyan naman ang weekends at messaging systems para magkausap tayo. Regards mo nalang ako kay Reeks kung makikita mo siya. Congratz ulit sa promotion. Saka nalang ako hahabol pag may bala na ako. Ika nga ni Bata Reyes, magkikita-kita rin tayo sa Finals.

He Says

0 Reaction(s)
"Hinahanap ng katawan ko ang maiinit mong yakap. Nasasabik sa tamis ng iyong mga halik. Ang ngiti mong pumapawi sa hapo ng aking katawan. Hindi ko maiwasang mangarap na kapag magkasama tayo, sana hindi na matapos ang araw. Sana huminto ang pagtakbo ng oras. Ibang galak ang naiidudulot mo tuwing magkahawak an gating mga kamay. Hindi ko maiwasang maalala ang unang pagkikita natin..."
-Angel's Wings of Angel Fly with Me

Istey

4 Reaction(s)
Binigyan lang ako ng isang araw pag-isipan ang isang bagay tungkol sa aking karera. Sabi ko sa sarili ko, wrong timing naman ang mga ito. Kung kelan handa na akong mag-unwind saka naman nagsisipasukan mga ganitong event na kelangan pagisipan nang mabuti. Nakakainis dahil oras ang kalaban ko at kelangan makapag-isip ako at pagtimbang-timbangin ang mga maganda at panget na maidudulot ng desisyon na ito.

Pero nakapag-desisyon na ako at mananatili na muna ako bago man subukin ang ibang opportunities. Kung baga sa giyera maghahanda muna ako ng sapat na bala para hindi ako maubusan at may pang-backup ako kung sakali everything fails. Kahit gustuhin ko man, pero kung dahil sa pagmamadali - la rin akong mapapala. Patience is a virtue. Ika rin ni Apo Simels, there is a right time for everything. At iyon ang napagtanto ko, wag maging atat at paghandaan mabuti ang mga hamon na darating.

Mub

2 Reaction(s)
Cancel ang Friday leave ko. Sa sabado ng gabi pa ako matutuloy sa pag-akyat sa Sagada. Hindi kasi pinayagan si Elias na mag leave sa Friday. Sayang ang isang araw pero Ok lang mas maganda kumpleto pa rin kami. Mauuna nga lang umakyat si Marco kasabay ni Mami Yanah. Hinanda ko na rin ang mga kailangang dalhin. Habang lumalapit lalo akong na-excite sa pag-akyat.

Halos tatlong araw na rin akong hindi nakakapag-FB. Ewan ko, tinatamad kasi ako, siguro naabot ko na rin ang satiation point ko. Wala naman akong hinahabol kasi sa gameapps ngayon. La naman ding bagong balita. Hehe! Kung kahapon masaya sa pakikipag-text, ngayon medyo tahimik. Meron lang kaunting di-pagkakaunawaan. Lilipas din ito at magiging Ok rin naman siguro ang lahat. Maaayos din ito sa paglipas na mga araw. Balak ko sana gawaan siya ng sulat dito sa blog ko kaso 'wag nalang. Mas ok na sarilinin nalang naming magkakabarkada ang isyu.

AMD, pagaling ka po ah. Wawa naman baby ko, may sore throat, ubo at lagnat. Tigas kasi ng ulo at ayaw mag medicate. Natural talaga ang gusto pero Ok na rin iyon. Water and Fruits. Buti kanina wala na lagnat niya at sore throat. Kaunting ubo nalang. Good luck po sa CS Exam mo sa katapusan. 5254.

04.13 WallPost

0 Reaction(s)
Super antok kanina paguwi. Mahili-hilo pa. Weakness ko kasi, na bumpy ride sa bus samahan pa ng biglang pag-ambon lang. Hindi ko alam kung bakit bigla akong nahihilo pag ganun, siguro sa hangin na rin (na sabi nila madalas magkasakit pag ganung exposed kasa lupa na naulanan). Muntik na akong masuka pa kanina.

Pagkauwi, kumain lang sandali ng tinapay at nakatulog na rin sa sobrang pagod. Ka-text pa rin sina pareng B, J, M. Kulit ka-text mga praning sa tambak ng mga messages. Hayz, me sakit din si AMD. May sore throat at kaunting lagnat pero sana maging Ok na rin siya. Matigas rin kasi ang ulo nun, takot sa medicines kaya tubig na lang. Pareho kaming nakatulog. Nagising kanina, as usual sa ingay pa rin ng sa amin. Grabe ang init, buti nalang nakatulog ulit.

Pagkagising resume na naman ang kulitan ng mga text messages hanggang sa pagpasok. Iyon naman ang usual routine ko para maximize ang time ko, text nang text lang. Dati kaming tatlong lang nagtetext, kanina sumama na rin sina Marco at Yanah. Katawa dahil si Jay umabot na sa 165 text messages ilang oras palang iyon. Hehe! Paano kasi puro GM (group message) ang usapan kaya pag hindi mo binasa tatambakan ka talaga. Panigurado ako din ngayon pagbukas ko ng phone ko. Grabeng mga spammer ito.

Basilica Minore de San Martin de Tours (04.11.10)

5 Reaction(s)

He Says

0 Reaction(s)
"I respect my body. though i tried making love with my ex, I found no happiness and so much pain was given."
-Loi, via Website

Ala eh!

2 Reaction(s)
Sunday. 8am na ako nagising. Late na ako sa meetup namin. past 9am na ako nakaalis sa amin. Around 10am na rin nakarating sa bus liner. Kainis sobrang init. Napawi ang init sa lamig ng bus, ilang minutes rin naghintay. Past 11am na umalis ang bus pero hindi pinuno. First time kong pumunta sa Batangas, kaya todo text ako kung anu-anong mga landmark ang kailangan tingnan.

Dumaan na ang bus palabas ng Metro Manila then sa Laguna, then Batangas na. Masasabi kong ilang taon pa ang kailangan para madevelop ang lugar na ito commercially, pero kung ako ang tatanungin mas gusto kong ganito nalang siya at wag nang magbago. Nakakatuwa kasi parang malaking Farmville ang dinadaanan namin. Mga baka, ibon halo-halo na parang nasa ibang mundo ka malayo sa madumin at maingay na Maynila.

Inaliw ang sarili sa panonood ng palabas sa bus, "High Lane" ata ang title nun. Usual hack and slash thriller type ng film, na naiba lang eh dahil mountaineer sila pero in the end patayan na rin. Dumating ang tanghali, halos magaala-una na nang dumating ako sa Batangas Diversion, wala pa siya. Tinawagan. Nag-antay sa may Alps Liner. Dumating na siya mga ilang minuto, ayaw kasi siya payagan ng mga kaibigan niya na umalis. Kumain sandali sa isang mall. Usap sandali.

Then balik jeep ulit, punta sa Taal Church. Picture kaunti. Pahinga. Unting usap hehe. Nagtagal rin kami ng ilang minuto dun. Gusto pa nga namin umakyat sa tore niya kaso hindi na pwede dahil may misa na daw. Ang cute ng tanawin sa Taal, maintain nila ang "ancestral" house na panahon ng Kastila pa, ultimo ang 7-11 na malapit eh gawa din sa ganun (halos!). Then wala nang mapuntahan. Iniisip ko, "Hmm, malapit lang ang lake dito diba? (Taal -> Taal Lake), iyon pala eh mali ako kasi nasa ibang side pa pala iyon at sa bandang Tagaytay nga. Meron daw malapit na beach sa lugar namin sumakay na kami ng tricycle.

Nilanggam kami sa loob ng sasakyan, sa kiss at hug. Hindi alintana kung tumitingin ba si Manong o hindi. Nakarating sa beach, waa! Ang daming tao, saka alanganin ang paglagay ng cottage nila, hindi pa naman planado iyon at naka jeans pa kaya kami. Tinaas nalang namin, naglakad-lakad. Inaantay ang paglubog ng araw. Magkayakap. Ang tahimik ng eksenang iyon, parang tumigil ang mundo sa pagikot. Napakapayap ng dagat. Ang malumanay na paghampas ng tubig sa dalampasigan. Perfect moment. This is one of the best moment of my life, iniisip ko sa sarili ko. Sana nga hindi na lumipas ang oras nang mga sandaling iyon.

Pinapanood ang mga mangingisda at mga nagaayos ng lambat habang papalubog na ang araw. Gusto sana namin maligo kaso wala kaming dala. Napagpasyahan na umuwi na matapos ang ilang minuto. Nagawa ko pang makipagkulitan (cuddling na rin) sa kanya. Ang haharot namin hehe na parang mga bata. Kakatuwa ang eksenang iyon. Hirap sumakay palabas dahil kaunti lang ang jeep. Mga 8pm nakasakay na ako ng bus pauwi sa Cubao. Nag-tetext pa rin kami. Nagpapasalamat sa araw na iyon na nagkita ulit kami at nagsama. Hatinggabi na ako nakauwi. Pero merong ngiti sa aking mata hanggang sa pagtulog. Ang sarap-sarap talaga pag kasama mo ang mahal mo.

M04W02

0 Reaction(s)
Kakapagod sa work, palagi nalang may hinahabol para andun ka pa rin sa slot. Tama nga sabi ni Manny - papatayin lang ako sa trabaho talaga unless lumipat na ako. Hehe! Ewan ko, kulang talaga ang pahinga at tulog ko ngayon. Buti nalang at hindi ako nagkakasakit kahit stressed out at pagod. In the end siguro may mapapala naman ako sa mga trials na dumarating sa buhay.

Ilang days na lang, makakapagbakasyon na rin ako ng mga ilang araw. Sayang at hindi makakasama si Dan. Kaming apat lang ang bibiyahe. Actually tatlo lang dahil si Mami Wolf andun na at inaantay nalang ang weekend para sa pag-akyat namin. 5 days to go and Sagada here we come!

04.09 Teh PS Boys Wallpost

0 Reaction(s)
Cyril nagulat ako sa facebook wallpost mo ah. Engaged. Conratz bro. Kelan ang petsa para makatikim ng mainit na sabaw. Best wishes sa inyo ni Carla.

Angelo, agahan mo bukas ng shop mo ah. Aadik na naman tayo sa World of Warcraft niyan. Sensya na pero ayoko na talaga maglaro ng Ragnarok hehe. Walang gaganda pa sa WoW versus existing MMORPG dyan.

Mike, hehe! Daan kanalang minsan sa shop ni Angelo. Kinabagan na naman ako sa theme song ng grupo natin. Shotgun shotgun, buddha buddha na yan. Leche! Haha! Samahan mo pa ng choreography.

John, oi pare sensya na at hindi na talaga natuloy ang ating Wawa. Hayaan mo may next time pa naman eh. Hehe! Wag ka nang paka-emo ah!

Adar, hindi ka na nagpaparamdam. Hmp! Mahina talaga kami sa iyo. Sino kaya bago mong pinagkakaabalagan at kinakalimutan mo na kami.

Billy, buhay ka pa? Na-miss na namin ang Gundam Boy ng shop. Haha! May asawa ka na siguro at bisi-bisihan ka ngayon.

Rene, talaga bang sa San Isidro ka na nakatira ngayon? Paano na yan pag merong mga cosplay makakapunta kba niyan. Alam namin busy ka sa family mo. Basta pag may time ka, balitaan mo nalang kami.

Message of the Day

2 Reaction(s)
"May sahod na ba?"

Best Wishes to Ryan and Kate Caseles!

0 Reaction(s)

FB GameApps

0 Reaction(s)
ang lilimang FB GameApps na nilalaro ko..

Ewan talaga

0 Reaction(s)
masasabi ko lang eh, ewan!

TropaTeks atbp

4 Reaction(s)
Mula umaga hanggang hapon, nagugulat nalang ako at naka-ilang text messages kaming tatlong magka-tropa ni pareng Jay at Christian. Halo-halo ang pinaguusapan namin, halos puro kalokohan. Excited na rin kami this May na makapunta sa isla nila Jay para sa pista sa kanilang bayan at celebrate na rin ang kanyang kaarawan. Hindi na kami makapag-antay dahil ilang tulog nalang at byahe na kaming tatlo. Matagal-tagal na rin kaming magkaibigan ng dalawang kumag na ito. Kahit hindi kami madalas nagkikita, sa text naman kung anu-anong kalokohan ang pinaguusapan namin. Hindi ko ramdam ang paglipas ng oras pag sila ang kausap ko. Parang kapatid na rin kasi ang turingan namin sa isa't-isa. Ilang tulog nalang mga parekoy. Antay-antay lang.

Kanina graduation ng kapatid ko sa high school. Salamat naman at college na siya. Ilang taon nalang din at makakapagtrabaho siya at makakatulong sa amin. Hayz, sana makapag-tapos na silang lahat, para makapag-ipon naman ako para sa sarili ko. Halos kasi sahod ko may parte sila dun sa pag-aaral nila. Sana nga lang sulit itong pagsisikap ko na mapagtapos sila ng pag-aaral. Medyo tumatanda na rin kasi ako at kelangan ko na talaga bumukod at mag-ipon pero hindi ko pa magawa sa ngayon dahil marami pa rin nakasandal sa akin at isa ako sa inaasahan sa amin.

Kanina, na-miss ko din si AMD. Parang nangungulila ako sa kanya kahit almost a week palang kaming hindi nagkikita, nagkakausap naman kami sa text pero syempre iba pa rin ang personal na nagkikita kayo at ang mga sweet moments. Ewan ko, sobra ko siyang miss ngayon. Nakakainis wala akong magawa kundi isipin nalang ang ganung mga bagay. Alam naman niya kung gaano ko siya kamahal at nararamdaman naman niya iyon. Masyado lang akong siksik sa sched ngayon pero pangako babawi po ako sa iyo. 5254!

M04W01

0 Reaction(s)
April na. Start na ng tunay na tag-init. Lalo pa nating mararamdaman ang hagupit ng El Nino.

Though hindi kagaya ng inaasahan ko na kahit hindi natuloy ang Wawa Dam, ok na rin at nakapag bonding sa mga kababata ko, ilang araw din akong tambay kina Angelo at naglalaro sa shop niya, kasama na rin ang ibang mga kaibigan. Ayun food trip minsan at kwentuhan. Kahit papano naging masaya naman ako at nakausap ko ulit sila. Sana nga yung iba dumalaw-dalaw rin minsan dito. Para kahit papano matulungan si Angelo maka-recover sa lahat ng aspect.

Hindi ko alam kung lalo bang dumagdag ang timbang ko, pero puro gulay, pakwan at singkamas lang kaya halos ang pinagkakain ko ngayong Lenten season. Halos puro DVD movie marathon lang kami sa bahay. Puro Will Smith, Johnny Depp at Harrison Ford na movies. Nakakapagpahinga naman ang TV kahit papano.

Sa Monday back to reality na naman. Work. Lalo na't updated na naman ang job aid namin at dagdag ingat na naman ako na magkaroon ng audit. After nitong mga bakasyon hanggang May. Seryoso mode na ako at planuhin na ang karera ko. Binigyan ko ng 1 year career plan ang sarili ko. Depende na sa akin kung saang daan ako patungo base na rin sa mga actions na gagawin ko. Wish me luck.

Since I Found You

2 Reaction(s)


dedicated to AMD, my lover and my friend. Miss you and I love you!

Random Picture: Desolace at Night (WoW)

2 Reaction(s)