pS Boyz [WaGWagan] trip - Part 3

Sorry cause of delay na naman ako at kumpleto na ang tropa nung dumating ako bandang 8.30 ng umaga. Hindi kasi ako nakisakay at nag-commute nalang ako gaya ng ginagawa ko. And again sa Quiapo and Divi na naman ang target namin.

Dumaan sa Marikina para samahan silang magpasukat ng vest and iba pang gamit. Muni-muni muna ako sa labas dahil mainit sa loob. Kumain saglit sa Riverbanks, kwentuhan at tawanan na naman ang bonding ng tropa. Gumala-gala muna sa mall, pa picture katabi si John Lloyd, yak haha!

Dumating si Rene saka naman nagpaalam na si Emer para pumasok at si Adar naman eh pauwi sa Montalban. Kaming apat nalang ang dumaan pupunta sa Quiapo. Sumakay ng LRT. Imbes na sa Recto eh sa Legarda kami bumaba. Tsk Tsk. Naglakad pa tuloy kami at sumakay.

Agad-agad na dumaan sa may military gears area sa Quiapo at bumili ng kakailanganin. Dumaan saglit sa Carriedo area para tingnan kung meron kaming mabibili. And again nanghinayang na naman for the second time si Rene dahil sa kamamadali niya. Kumain ulit ng Takoyaki sa stall bago sumakay ng jeep to Divi. Grabe ang traffic. Nagsayang lang kami ng pamasahe nang mapilitan kaming bumaba at parang tinawid lang kami ng driver sa kabilang kalsada. Pakshet talaga.

Sobrang kapal ng tao sa Divi. Weekends kasi, sobrang init pa. Kainis talaga. Hindi na kami natuloy sa plano na pagbili ng bangbang dahil hapon na masyado at nagtagal kami sa bagong 168 mall. Pinagpasyahan namin na umuwi at dumaan naman sa Ever Commonwealth at magbaka-sakali kung merong makikita dun.

Wala rin naman kaming nakita dun. At sayang lang ang effort. Bale last chance na next time at within this week furnished na dapat lahat ng primary gears na kailangan namin. Halos 8pm na nang makauwi sa amin. Sobrang antok dahil more than 24 hours na akong gising. Hindi ko nga namalayan na naaktulog na ako matapos ang isang masarap na paligo. Nakalimutan ko na ring mag reply sa mga ka-text ko kagabi. Sorry.

Kakapagod pero enjoy dahil kasama ang tropa at maraming lugar na napuntahan ulit sa pagsikot-sikot namin sa Maynila. Kakalungkot nga lang mga hingal na kabayo at sana eh hindi ko na sila makita sa Kamaynilaan dahil dapat nasa bukid sila at hindi dito na sobrang pagmamaltrato at paghihirap nararanasan.

Hanggang sa muli.

0 Reaction(s) :: pS Boyz [WaGWagan] trip - Part 3