Komon

Wala namang bago ngayon, same as usual. Ilang weeks na lang bago ang confirmation namin. Samantalang magkakaroon na naman ng SportsFest ang company, nakakainis lang kasi hindi ka na nga kasali eh magko-contribute ka pa nang hindi ko alam kung saan gagamitin.

Kaninang umaga tinawagan ko si P, kagabi kasi sinusubukan ko siyang tawagan pero hindi sumasagot, nagtampo ako kasi wala man lang paliwanag bakit ayaw niyang sagutin. Nitong umaga ko lang nalaman na may dance practice pala sila sa nalalapit na competition ata sa area nila. Kaya pinatawad ko na rin siya at iyon nga kaninang umaga nag-usap kami. Ang tagal pa bago siguro kami magkita, taga Cebu siya at Rizal naman ako, ilang milya ang layo pero parang magkalapit lang kami nung nag-usap kami kanina.

Last Wednesday at Thursday OT namin for other function, naging pasaway naman ang mga jeepney driver na yan. Kung kelan ka nagmamadali saka naman tigil bawat kanto na lang at nagpa-gas pa ang magaling. Kaya 30 mins akong delay sa office kaya hindi ko nabuo ang OT schedule ko. Ewan, sayang talaga ang chance na iyon. Ayoko na lang magalit pa nang husto at tanggap ko na, dapat mas maaga pa sa 5.30am na umalis para maaga ka rin makapunta sa office, dahil ang traffic pabigay nang pabigat every minute na dumadaan.