Malamig ang Gabi

Hindi ko alam pero ang saya ng pakiramdam ko habang bumibiyahe ako pauwi sa amin. Parang napawi ng klima ang lahat ng pagod at stress na naramdaman ko sa office. Ilang araw na lang katapusan na ng buwan. Ironic ang February 27 para sa akin - birthday ko nga, last day ko naman sa team ko na halos isang taon rin kaming nagsama tapos half-day pa ako nung araw na iyon. Ahehe! Ewan ko marami akong mami-miss sa pang-umaga. Habang binabagtas ng jeepney ang daan pauwi - bumabalik sa akin ang alaala nung mga panahong bago pa lang kami sa company. Mga tawanan, pikunan, mga bagong challenge sa work, ang team building etc. Anu kaya ang eksena sa Friday, -panigurado hindi maiiwasang may iiyak sa mga iyan. Mawawala na kasi ang gwapong joker sa team. (nag-angat pa ng bangko!) Sana palaging ganito ang panahon. Tahimik at malamig. Oras na para batiin ang bagong hamon sa paglipat ng buwan.