Pagkatapos ng Ulan

Ang sarap ng pakiramdam habang naglalakad ako palabas sa subdivision namin. Kakatapos lang kasi ng pagbuhos ng ulan, mga ilang minuto na. Kaya't medyo nagsisimula nang matuyo ang kalsada. Ang sarap ng hangin na dumampi sa aking katawan. Parang "Healing Wind" ni Aeris sa Final Fantasy VII. Hehe! Sabi ko nga sa sarili ko, sana ganito na lang palagi ang panahon pag umaalis ako sa amin. Luntian ang paligid, walang alikabok o dumi sa kalsada. Parang napawi na ang nakaraan at pag-usbong ng bagong halaman na bumabati sa iyo. Kaya naman positibong enerhiya ang bumati sa akin hanggang sa pagpasok ko sa trabaho.