Para kay J

Sa iyo,

Pasensya ka na at kailangan humantong sa ganito ang lahat. Hindi ikaw ang nagkulang kundi ako. Ako ang may kasalanan dahil hindi ko mabalik ang binibigay mo sa akin. Naging totoo ako sa iyo sa unang buwan, pero sa paglipas ng mga araw na naging buwan, nakita ko paunti-unti ang matagal ko nang problema at nangyayari na naman iyon at sa kasamaang palad at ikaw ang nasampolan nito. Siguro nga tama yung isa nating kaibigan na, wag muna ako makipag relasyon kung ganito lang ang nangyayari at sayang ang love, time at effort sa process.

Hindi ako umaasa na mababalik pa itong ugnayan natin gaya nang magkakilala palang tayo sa simula. Hindi ko alam kung mabubuo pa ba ang samahan sa kabila ng mga pangyayari. Hindi ko na kailangan i-detalye pa ang chain of events that lead on what we have right now. Pero sana maging magkaibigan pa rin tayo sa kabila ng lahat, hindi man ngayon pero sa takdang panahon kung saan nakapaghilom na ang sugat na ginawa ko sa iyo. Ingat ka palagi at 'wag mong pababayaan ang sarili mo. Nauulit lang ang nangyayari ng pagkakamali ng nakalipas.