Teh Fifth Stage

To you know who you are but I don't know if your still reading my blog,

Matagal ko na dapat sabihin sa iyo ito mga ilang araw na pero alam mo na naman ang sabi ko dahil nag-text ako sa iyo as followup sa sinabi mo. Nag-message ka sa akin, nagtatanong ka kung ano ang dapat mong gawin o piliin. Sa past mo begging for you to come back or sa present na masayang kumakaway at sabik na mayakap at mahalin ka. Parang nasa dalampasigan ka naglalakad at hindi alam kung sino ang lilingunin.

Kung ako ang tatanungin mo, mas makabubuting doon kanalang sa ngayon at makapagsimula ulit kesa bumalik sa dati mo na nagkaroon na ng lamat ang inyong relasyon. Maging sa pakikipagkaibigan ay medyo malayo rin dahil andun pa rin kahit kaunti ang naiwan mong pagmamahal sa kanya. In the end, kung ano ang makakapagbigay sa iyo ng kapanatagan sa isipan at makakapagpagalak ng iyong puso eh doon ka.

Pasensya na kung hindi nag work ang relasyon natin at mauwi sa ganito. Paulit-ulit kong sasabihin na ako ang may kasalanan at ako ang bumigay. Hindi dapat sinasaktan ang mga taong kagaya mo na sobrang bait at walang ginawang masama. You deserve someone na kagaya mo rin at alam kong nahanap mo siya. Hangad ko ang kaligayahan niyong dalawa, at iginagalang ko ang desisyon mong hindi banggitin ang kanyang pangalan.

Alam ko may galit pa sa iyong puso, napupuna ko iyon sa paraan ng pagsagot mo sa text. Kaya minabuti kong putulin na ang komunikasyon upang huwag ka nang mahirapan pa at mawala na yang pagiisip mo. Wala akong hangad ngayon kundi maging masaya ka, hindi man ngayon pero sa pagdaan ng mga buwan hanggang sa ilang taon, mahingi ko sa iyo ang kapatawaran mula sa puso. Hanggang dito na lamang at mag-iingat ka palagi.