Kung [alam] mo lang

Sa iyo,

Nakakapagod na minsan na maghabol sa taong hindi ka naman gusto, parang tanga na nauubos ang text mo kahit Globe or Smart pa siya para lang malaman mo kung anung ginagawa niya sa oras na iyon. Hindi ko naman masasabi na panget ako, mataba nga lang - kung bibigyan mo lang ako ng pagkakataon na ipakita sa iyo kung anung nilalaman nitong sa loob ko, kung ano ang kaya kong gawin kung sakaling buksan mo ang iyong sarili sa akin. Pero kakalungkot, hanggang sa pag-asa nalang ako kakapit dahil sa simula't-simula palang eh panlabas na kaanyuan ang gusto mo lang tingnan. Dibale nang masaktan ka ng ilang beses basta yung me itsura palagi at ayos ang hubog ng katawan ang una at huli mong tinitingnan. Hindi kita masisisi, hindi naman ako ipokrito para hindi rin mag-isip ng ganun. Pero mas nasasaktan ako habang nakikita kang paulit-ulit na pinaglalaruan ng taong akala mong para na sa iyo.

Kung alam mo lang kung ano ang nararamdaman ko. Kung alam mo lang kung gaano ka ka-importante sa akin. Kung alam mo lang kung gaano kita kamahal.

Kung alam mo lang..