Si Manong Driver

Kakatuwa si Manong driver kanina, biyaheng pa-MRT. Nakikita ko sarili ko sa kanya, ang init ng ulo at hyper talaga kung magsalita. Akala mo kung galit ba siya o normal lang sa kanya iyon. Buti hindi napipikon yung mga pasahero, kanina kasi akala niya yung Php50 eh highway at central eh hiwalay pa pala iyon sa isang Php50 na binigay. Nagtatalak na linawin daw at nalilito tuloy siya, nasa harapan lang ako at katabi siya. Napapangiti na lang ako sa mga pinagsasabi niya pati na ang ibang pasahero. Sunod namang na-sermonan niya yung gasoline boy sa Fossil Fuel, sigaw siya nang sigaw ng "Hoy!", alanganin na nga siya sa pwesto siya pa may ganang mang bulyaw hehe. Sinabi pa niya "kung babagal-bagal ka niyan, paano kamagkaka-asawa niyan", hindi naman napikon si gas-boy at natawa na lang. Hindi ako naiinis kay manong , natutuwa ako dahil hindi siya boring at outspoken talaga na kung ano ang gusto niyang sabihin eh sinasabi niya kahit sino pa siya. Yung iba kasi nakakaantok talaga, kaya minsan ako na kumakausap sa kanila regarding sa mga issue sa langis at pamasahe.

0 Reaction(s) :: Si Manong Driver