Departure

Had the usual breakfast pero medyo tanghali na nang nagising. Inayos ang mga gamit ulit at pinagkasya siya. Nag list ng mga gamit at kung meron pang nakalimutan. Nagpaalam kina Mang Ge, rardo na nasa itaas sa apartment nila. Umalis sa bahay kasama si Marvin, parang nagpaalam rin sa akin ang kanilang mga aso.

Dumaan muna sa KCC Mall para bumili ng mga nakalimutan na bilhin bago umalis. Nag tricycle lang papunta sa Airport pero hindi na pinadaan ng security nung malapit na dahil bawal at private vehicles lang ang pwede. Mabuti nalang at merong nagmagandang loob na pumayag na maki-hitch kami at hinatid kami ilang meters nalang sa Airport. Kaunti palang ang tao at ilang oras pa naman ang flight.

Usap lang kaunti at farewell messages ni Marvin, nagpasalamat sa kanya sa warm hospitality ng family niya. Then before 3pm eh nag checkin na ako, sabay namang bumuhos ang malakas na ulan sa GenSan, mabuti nalang at hindi na delay ang flight kahit umuulan.

Medyo emotional nung umalis kasi marami talaga akong mamimiss sa lugar na iyon. Pero ganyan talaga ang buhay, babalik pa naman ako iyon nalang ang iniisip ko.

rainy runway

Habang nasa flight since i'm always fascinated about clouds, kinuhaan ko rin siya ng picture 36,000 feet, ewan ko ba love na love ko ang clouds lalo na ang cumulunimbus clouds, yung tipong andyan lang siya pero hindi naman matutuloy ang ulan. Makikita mo ang real, undiffused color ng sorroundings pag gray na ang ulap. Pero for the meantime, sarap kainin ng fluffy clouds..

Nung nag touchdown back to NAIA, sorry naman at 1st time kasi kaya nagtanong ako para san ang bus, iyon pala eh para ihatid kami sa arrival kasi malayo daw. Then after kunin ang baggage sa belt eh nagabang na ng bus to Taft sa dulong part ng Bay area, ilang minutes ding nag-antay then sabayan pa ng manaka-nakang pag-ambon. Ilang lakaran din bago ako nakasakay ng bus.

Sa loob ng bus, parang nasusuka ako at nahihilo, siguro sa lamig at nagtetext rin kasi ako nun at medyo bumpy ang ride. Sobrang traffic talaga, typical Manila sabi ko sa sarili ko. Mga 9pm na ako nakarating sa terminal and around past 10pm nang nakarating ako sa amin. Inayos lang kaunti at nilabas ang mga labahin at mga pasalubong bago ako nahiga sa sobrang pagod. Back to "reality" ika ko nga sa sarili. Maligayang pagbabalik sa mabangis na lungsod.